Model School

ഇന്ന് ശ്രദ്ധിക്കാന്‍ ..........

മാര്‍ച്ചില്‍ എസ്.എസ്.എല്‍.സി. പരീക്ഷ എഴുതിയവരുടെ ഉത്തരക്കടലാസുകളുടെ റീവാല്യുവേഷന്‍/ഫോട്ടോകോപ്പി/സ്ക്രൂട്ടിണി ഇവ ആദ്യമായി ഓണ്‍ലൈന്‍ വഴി അപേക്ഷിക്കാനുള്ള സംവിധാനം പരീക്ഷാഭവന്‍ തയ്യാറാക്കിയതായി സെക്രട്ടറി അറിയിച്ചു. http://keralapareekshabhavan.in വെബ്സൈറ്റില്‍ പ്രവേശിച്ച് എസ്.എസ്.എല്‍.സി. റീവാല്യുവേഷന്‍ 2011 ലിങ്കില്‍ ക്ളിക്ക് ചെയ്ത് റീവാല്യുവേഷന്‍/ഫോട്ടോകോപ്പി/സ്ക്രൂട്ടിണി എന്നിവയ്ക്ക് ഏപ്രില്‍ 29ന് രാവിലെ 10 മണി മുതല്‍ അപേക്ഷിക്കാം. അപേക്ഷയുടെ കമ്പ്യൂട്ടര്‍ പ്രിന്റ് മെയ് ആറിന് മുമ്പ് അതത് സ്കൂള്‍ പ്രഥമാദ്ധ്യാപകരെ ഏല്‍പ്പിക്കണം. ഇത്തരത്തില്‍ ലഭിക്കുന്ന അപേക്ഷകള്‍ പ്രഥമാദ്ധ്യാപകര്‍ മുകളില്‍ പറഞ്ഞ വെബ്സൈറ്റില്‍ പ്രവേശിച്ച് Revaluation HM login ലിങ്കില്‍ ക്ളിക്ക് ചെയ്ത് അപേക്ഷ ഓരോന്നും പരിശോധിച്ച് കമ്പ്യൂട്ടറില്‍ വെരിഫൈ ചെയ്ത് സബ്മിറ്റ് ബട്ടണ്‍ ക്ളിക്ക് ചെയ്യണം. ഇതുമായി ബന്ധപ്പെട്ട വിശദമായ സര്‍ക്കുലര്‍ പരീക്ഷാഭവന്‍ സൈറ്റിലുണ്ട്. -------------------------------------------------------------------------------- ഗവണ്‍മെന്റ്/എയിഡഡ്/സ്വാശ്രയ ടി.ടി.ഐ കളില്‍ 2011-2013 വര്‍ഷം ടി.ടി.സി കോഴ്സ് പ്രവേശനത്തിന് അപേക്ഷ ക്ഷണിച്ചു. അപേക്ഷ മെയ് ഏഴിനകം ബന്ധപ്പെട്ട വിദ്യാഭ്യാസ ഉപഡയറക്ടര്‍ക്ക് ലഭിക്കണം. ..................................................................................................................... 2011 - 12 അദ്ധ്യയന വര്‍ഷത്തേക്കുള്ള പ്ളസ് വണ്‍ ഏകജാലക പ്രവേശനത്തിന്റെ അപേക്ഷാഫോറവും പ്രോസ്പെക്ടസും സ്കൂളുകളില്‍ നിന്ന് ലഭ്യമായിത്തുടങ്ങി. ജില്ലയിലെ എല്ലാ സ്കൂളില്‍ നിന്നും അപേക്ഷ വാങ്ങാം. അപേക്ഷ മേയ് 16 ന് മുമ്പ് സ്കൂളില്‍ സമര്‍പ്പിക്കണം. അതേ ജില്ലയിലെ ഏത് സ്കൂളിലും അപേക്ഷ നല്‍കാം. ഒരു ജില്ലയിലെ എത്ര സ്കൂളുകളില്‍ അപേക്ഷിക്കുന്നതിനും ഒരൊറ്റ അപേക്ഷാഫോറം മതി. ലഭിച്ച ഗ്രേഡുകളുടെ അടിസ്ഥാനത്തില്‍ ഏതൊക്കെ സ്കൂളുകളില്‍ പ്രവേശനത്തിന് സാധ്യതയുണ്ടെന്ന് വിദ്യാര്‍ത്ഥികള്‍ക്ക് അറിയുന്നതിനുള്ള സൌകര്യം www.hscap.kerala.gov.in എന്ന വെബ്സൈറ്റില്‍ ലഭ്യമാണ്. മുന്‍വര്‍ഷം മൂന്ന് അലോട്ട്മെന്റുകള്‍ കഴിഞ്ഞ ശേഷമുള്ള ഓരോ സ്കൂളിലെയും അവസാനറാങ്ക് വിവരങ്ങളാണ് പ്രസിദ്ധീകരിക്കുന്നത്. സ്കൂള്‍ അടിസ്ഥാനത്തിലോ, കോഴ്സ് അടിസ്ഥാനത്തിലോ, കാറ്റഗറി അടിസ്ഥാനത്തിലോ, അല്ലെങ്കില്‍ ഇവയെല്ലാം ചേര്‍ത്തോ അവസാന റാങ്ക് വിവരങ്ങള്‍ പരിശോധിക്കാം. പരിശോധിക്കേണ്ട രീതി വിശദമായി വെബ്സൈറ്റില്‍ നല്‍കിയിട്ടുണ്ട്.

Pages